ENTREVI STA CASTRAPO
Este xogo de rol en solitario interpretarás a unha neofalante enfrontándose a unha
entrevista de traballo para unha gran industria galega. A entrevistadora que terá a última
palabra sobre a túa contratación non fala "el gallego", senón que fala castrapo. A túa tarefa
será agradala sen traizoar moito os teus ideais lingúísticos. Para xogar só precisarás estas
regras, unha baralla española sen oitos nin noves e uns vinte minutos.
PREPARACIÓN
Baralla as cartas e coloca catro boca arriba de esquerda a dereita, estas catro marcarán O
escenario a xogar segundo o seu pau, posición e a seguinte táboa:
Pau Industria Provincia Lugar Posto
Espadas Vehículos Pontevedra Videoconferencia Secretaría
Bastos Textil Ourense Feira de emprego Dirección
Copas Cervexa Lugo Bar Deseño
Moedas Banca A Coruña Oficina Contas
Interpreta os resultados para imaxinar a empresa, o posto de traballo e a situación. Logo colle
dez cartas e ponas na túa man, esas cartas simbolizarán as túas respostas. Pon o resto de cartas
fronte a ti boca abaixo, deixando unha ringleira para xogar as túas.
PREGUNTAS
En cada rolda formularás unha interrogación da entrevistadora. Desvela a carta superior da
baralla e determina o tema e o ámbito segundo a seguinte táboa:
Valor Tema Valor Tema z 4
- Pau Ambito
2 Doado 7 Debilidades
Z Espadas Pasado
3 Forzas S Tecnoloxías
RE. Bastos Futuro
4 Compañeiros E Trampa
SS Copas Persoal
5 Iniciativas R Cartos MOE Libr
6 Trocos A legal ES S
Na medida do posible tenta que a nova pregunta encaixe co resto da entrevista, e lembra que a
entrevistadora só fala castrapo.
Unha vez que teñas a pregunta formulada, escolle unha carta da túa man para comparala coa
desvelada. Compara os paus de ambas cartas e se a túa ten un valor maior (o ás é o máis alto).
Logo sitúa ambas cartas segundo a táboa e anota mentalmente o idioma e o resultado da resposta:
Paus coinciden? Posición carta pregunta Idioma resposta
Si Esquerda da baralla Galego
Non Dereita da baralla Castrapo
Valor maior? Posición carta resposta Resultado resposta
Si Á túa esquerda Éxito
Non Á túa dereita Fracaso
Por último elabora unha resposta, no idioma indicado, que simbolice o éxito ou o fracaso
segundo corresponda. Se inda tes máis cartas na man, comeza outra rolda cunha nova pregunta.
Noutro caso, pasa ao epílogo.
EPÍLOGO
Conta as cartas de pregunta que puxeches á esquerda da baralla e réstalle as da dereita da
mesma. Fai O mesmo coas cartas de resposta. Logo miras as seguintes táboas para determinar
como foi a experiencia. Reflexiona sobre o resultado.
Resta de preguntas Resultado Resta de respostas Resultado
Maior ca O Aceptáronte para o choio! Maior ca O Conservastes os ideais!
Menor ca O Rexeitáronte para o choio! Menor ca O Vendistes os teus ideais!
Igual ca O Precisas outra entrevista Igual ca O Nin subes nin baixas
MÁIS XOGADORES
O xogo pódese estender facilmente a máis xogadores, por exemplo deixando que interpreten os
roles de entrevistadoras e/ou engadindo outra entrevistada.
Xogo sen dereitos de autor feito por Xogón.